நீங்கள் தேடியது "பஜ்ரங் புனியா"

விளையாட்டுத்துறையில் சாதனைக் படைக்கும் வீரர்கள் மற்றும் வீராங்கனைகளுக்கு ஆண்டுதோறும் மத்திய அரசு விருதுகள் வழங்கி கவுரவிக்கும்.

இந்த விருதுகளுக்கு வீரர்கள் மற்றும் வீராங்கனைகள் பெயர்களை அந்தந்த விளையாட்டுத்துறை மத்திய அமைச்சகத்துக்கு பரிந்துரை செய்யும். அதன்படி இன்று இந்திய மல்யுத்த பெடரேசன் கேல் ரத்னா விருதுக்கு வினேஷ் போகத், பஜ்ரங் புனியா பெயர்களை பரிந்துரை செய்துள்ளது.


வினேஷ் போகத்

ராகுல் அவேரா, ஹர்ப்ரீத் சிங், திவ்யா கக்ரன், பூஜா தண்டா ஆகியோர் பெயர்களை அர்ஜூனா விருதுக்கு பரிந்துரை செய்துள்ளது. விரேந்தர் குமார், சுஜீத் மான், நரேந்திர குமார் மற்றும் விக்ரம் குமார் ஆகியோர் பெயர்களை துரோணாச்சாரியார் விருதுக்கு பரிந்துரை செய்துள்ளது.

நேற்றுடன் முடிவடைந்த ஆசிய சாம்பியன்ஷிப்பில் வினேஷ் போகத், பஜ்ரங் புனியா ஆகியோர் பதக்கம் வென்றனர் என்பது குறிப்பிடத்தக்கது.

ஆசிய மல்யுத்த சாம்பியன்ஷிப் தொடர் சீனாவில் இன்று தொடங்கியது. இன்றில் இருந்து வருகிற 28-ந்தேதி வரை இந்தத் தொடர் நடக்கிறது. இன்றைய முதல் ஆட்டத்தில் இந்தியாவின் முன்னணி வீரரான பஜ்ரங் புனியா 65 கிலோ எடைப்பிரிவு இறுதிப் போட்டியில் கஜகஸ்தான் வீரர் சயாட்பெக் ஒகாஸ்சோவ்-யை எதிர்கொண்டார்.

ஒரு கட்டத்தில் பஜ்ரங் புனியா 2-5 என பின்தங்கியிருந்தா். அதன்பின் சிறப்பாக செயல்பட்டு இறுதியில் 12-7 என வெற்றி பெற்று தங்கம் வென்றார். இவர் ஏற்கனவே 2018 ஆசிய போட்டியிலும், காமன்வெல்த் போட்டியிலும் தங்கப்பதக்கம் வென்றுள்ளார் என்பது குறிப்பிடத்தக்கது.

இந்தியாவின் முன்னணி மல்யுத்த வீரர் பஜ்ரங் புனியா. 65 கிலோ எடைப்பிரிவில் சமீப காலமாக சிறப்பான வகையில் சண்டையிட்டு வருகிறார். காமன்வெல்த் மற்றும் ஆசிய விளையாட்டில் தங்கப்பதக்கம் வென்றார். உலக சாம்பியன்ஷிப் தொடரில் வெள்ளிப் பதக்கம் வென்றார். இதன்மூலம் ஒருங்கிணைந்த உலக மல்யுத்தம் தரவரிசையில் முதல் இடத்தை பிடித்து சாதனைப் படைத்துள்ளார்.

பெண்களுக்கான 57 கிலோ எடைப்பிரிவில் இந்தியாவைச் சேர்ந்த ஐந்து பேர் முதல் 10 இடத்திற்குள் நுழைந்துள்ளனர்.

உலக மல்யுத்தம் சாம்பியன்ஷிப்ஸ் தொடர் அடுத்த மாதம் 20-ந்தேதி முதல் 28-ந்தேதி வரை ஹங்கேரியில் உள்ள புத்தாபெஸ்ட்டில் நடக்கிறது. இதுவரை இதுபோன்ற தொடர்களில் மோதும் வீரர்களுக்கு ரேண்டம் அடிப்படையில் தரநிலை வழங்கப்படும்.

ஆனால் தற்போது வீரர்களின் வெற்றித் தோல்வி ஆகியவற்றை கணக்கில் கொண்டு புள்ளிகள் அடிப்படையில் தரநிலை வழங்கப்படுகிறது. இதில் இந்தியாவின் மல்யுத்த வீரரான பஜ்ரங் புனியா (65 கிலோ எடைப்பிரிவு) 45 புள்ளிகள் பெற்று தரவரிசையில் 3-வது இடம் பிடித்துள்ளார்.

இதன்மூலம் உலக மல்யுத்த சாம்பியன்ஷிப்ஸ் தொடரில் தரிநிலைப் பெற்ற முதல் இந்திய வீரர் என்ற பெருமையை பெற்றுள்ளார். துருக்கி வீரர் செலாகட்டின் 50 புள்ளிகளுடன் முதல் இடத்திலும் ரஷியா வீரர் பெக்புலாட்டோவ் 2-வது இடமும் பிடித்துள்ளனர்.

பஜ்ரங் புனியா சமீப காலமாக சிறப்பான விளையாடி வருகிறார் என்பது குறிப்பிடத்தக்கது.

ஆசிய விளையாட்டு போட்டிகள் இந்தோனேசியாவில் நடைபெற்று வருகிறது. இன்றைய 2-வது நாளில் மல்யுத்தத்தில் இந்தியாவின் 5 முன்னணி வீரர்கள் பங்கேற்றனர். இதில் ஆண்களுக்கான 65 கிலோ எடை ப்ரீஸ்டைல் பிரிவில் பஜ்ரங் புனியா இறுதிப் போட்டிக்கு முன்னேறினார்.

இறுதிப் போட்டியில் பஜ்ரங் புனியா ஜப்பானைச் சேர்ந்த தைசி டகாடனியை எதிர்கொண்டார். 11-8 என ஜப்பான் வீரரை வீழ்த்தி பஜ்ரங் புனியா தங்கப் பதக்கம் வென்றார். இந்தோனேசியா ஆசியக் கோப்பையில் இந்தியா வெல்லும் முதல் தங்கப்பதக்கம் இதுவாகும்.



முதலில் பஜ்ரங் புனியா 6-4 என முன்னிலைப் பெற்றிருந்தார். அதன்பின் 6-6 என சமநிலைப் பெற்றார். பின்னர் 8-6 என முன்னிலைப் பெற்று இறுதியில் 11-8 என வெற்றி பெற்றார்.

சுஷில் குமார், மயுசம் காத்ரி, சந்தீப் தோமர் ஆகியோர் முதல் சுற்றில் தோல்வியடைந்தது. அவர்களை வீழ்த்தியவர்கள் இறுதிப் போட்டிக்கு முன்னேறாததால் பதக்கத்திற்கான வாய்ப்பை இழந்தனர்.

ஆசிய விளையாட்டு போட்டிகள் இந்தோனேசியாவில் நடைபெற்று வருகிறது. இன்றைய 2-வது நாள் மல்யுத்தத்தில் இந்தியாவின் 5 முன்னணி வீரர்கள் பங்கேற்றனர். இதில் அண்களுக்கான 65 கிலோ எடைப்பிரிவில் பஜ்ரங் புனியா இறுதிப் போட்டிக்கு முன்னேறியுள்ளார்.

சுஷில் குமார், மயுசம் காத்ரி, சந்தீப் தோமர் ஆகியோர் முதல் சுற்றில் தோல்வியடைந்தது. அவர்களை வீழ்த்தியவர்கள் இறுதிப் போட்டிக்கு முன்னேறாததால் பதக்கத்திற்கான வாய்ப்பை இழந்தனர்.

86 கிலோ எடைப்பிரிவில் பவன் குமார் ரீபேக்கேஜ் பிரிவின் முதல் சுற்றில் வெற்றி பெற்றுள்ளார். அடுத்த சுற்றில் வெற்றி பெற்றால் வெண்கல பதக்கம் வெல்வார்.

துருக்கியில் உள்ள இஸ்தான்புல் நகரில் யாசர் டோகு சர்வதேச மல்யுத்த தொடர் நடைபெற்றது. இதில் பெண்களுக்கான 55 கிலோ எடைப்பிரிவில் இந்திய வீராங்கனை பிங்கி உக்ரைனின் ஒல்கா ஷ்னைடரை எதிர்கொண்டார். இதில் பிங்கி 6-3 என வெற்றி தங்கப்பதக்கம் வென்றார்.

ஆனால் ஒலிம்பிக்கில் வெண்கல பதக்கம் வென்ற சாக்‌ஷி மாலிக் 62 கிலோ எடைப்பிரிவில் ஏமாற்றம் அடைந்தனர்.

ஆண்களில் பஜ்ரங் புனியா தங்கப்பதக்கம் வென்றார். 70 கிலோ எடைப்பிரிவில் அவருன் மோதக்கூடிய வீரர் காயத்தால் போட்டியில் இருந்து விலகியதால், போட்டியிடாமல் வெற்றி பெற்றார். இந்த தொடரில் இந்தியா மொதம் 10 பதக்கங்களை கைப்பற்றியது. இதில் பெண்கள் ஏழு பதக்கங்களை வென்றனர்.